2026 թվականի հոկտեմբերի 6-ին՝ երեքշաբթի օրը, Երուսաղեմի ասորի եպիսկոպոս Գերաշնորհ Տեր Անթիմոս Ճաք Յակուբը, իր միաբանների ուղեկցությամբ, պաշտոնական այց կատարեց Երուսաղեմի հայոց պատրիարքարան և հանդիպում ունեցավ Նորին Ամենապատվություն Տեր Նուրհան արքեպիսկոպոս Մանուկյանի՝ Հայոց պատրիարքի հետ։
Հանդիպման ընթացքում կողմերը մտքեր փոխանակեցին տարածաշրջանում տիրող իրավիճակի, եկեղեցական հարցերի, ինչպես նաև Սուրբ Երկրում Հայ և Ասորի ուղղափառ քույր եկեղեցիների միջև համագործակցության հետագա ամրապնդման հնարավորությունների շուրջ։ Առանձնահատուկ ուշադրություն դարձվեց նաև Status Quo-ի կարգավիճակին առնչվող հարցերին։
Հանդիպման ընթացքում ասորի եպիսկոպոսը Նորին Ամենապատվություն Հայոց պատրիարքին նվիրեց «Հայր մեր»-ի ասորերեն տարբերակը։
Հանդիպմանը ներկա էր նաև պատրիարքարանի դիվանապետ Հոգեշնորհ Տեր Աղան վարդապետ Գոգչյանը։
Աղբյուրը՝ ԴԻՒԱՆ ՍՈՒՐԲ ԱԹՈՌՈՅ
