Ավելի քան 10,000 հայ արտասահմանյան 41 պետություններից ժամանել էին Հայաստանի Հանրապետություն: Ընդհանուր առմամբ 41 պետությունների 181 քաղաքների 7000-ից ավելի մարզիկ մասնակցեցեին համահայկական ութերորդ խաղերին:
Համահայկական ամառային ութերորդ խաղերի ծրագրում ընդգրկված 17 մարզաձևերի համար խաղարկվելու էր 107 հավաքածու մեդալ:
Այսօր պաշտոնապես փակվելու են ու ամփոփվելու են համահայկական ամառային ութերորդ խաղերը:
Պաշտոնական լրահոսը դեռ կամփոփի խաղերի արդյունքներն ու թիմային հաշվարկներով երկրների մարզիկների արդյունքները:
Հուլիսի 25 – ին հյուրընկալվելով համահայկական խաղերի համաշխարհային կոմիտեում իրոք ավելի գոտեպնդվեցի ու հանդիպելով տասնյակ երկրներից գրասենյակ այցելող սպորտստմեններին ու կամավորներին, իրոք հպարտություն զգացի:
Հյուրընկալվեցի նաև Համահայկական խաղերի համաշխարհային կոմիտեի նախագահ Իշխան Զաքարյանի կողմից ու կարճ զրույց ունեցա նրա հետ: Պարզվեց որ առաջին պատվիրակության ներկայացուցիչն էի, որ այցելել էի գրասենյակ:
«Իսրայելահայեր» թերթի խմբագրության ու մեր անձնական ջանքերի շնորհիվ այս անգամ էլ Իսրայելը ներկայացավ համահայկական խաղերին, ճիշտ է համեստ թվով, քանզի մեր ավանդական կուսակցությունների սկաուտներն ու սպորտսմենները գտնվում էին բանակումների մեջ Հայաստանում և Սերբիայում:
Հարցազրույց ունեցանք Համահայկական խաղերի համաշխարհային կոմիտեի լրատվական կենտրոնի ղեկավար Աննա Վարդանյանի հետ: Նրա փոխանցմամբ համավարակի սահմանափակումներից և պատերազմից հետո առաջին անգամ վերագործարկվեց Հայաստան-Սփյուռք համագործակցությունն ու նման ներկայացուցչական կազմի ներկայությունն ամառային ութերորդ խաղերում արդեն խոսուն փաստ է: Այս տարի ավելացվել էր ևս երկու մարզաձև կանանաց ֆուտբոլն ու Ֆուտզալը՝ մարզաձևերի թիվը հասցնելով 19-ի: Համահայկական խաղերի կանոնադրությամբ մի քանի երկրներ հայտեր պետք է ներկայացնեն նոր սպորտաձևերի ընդգրկման հետ կապված ու գործկոմի նիստով այնուհետև հաստատվում է: Առաջիկա պլաններում նաև կա մարզաձևերի ցանկում ավելացնել հայկական Կոխ մարզաձևն: Ի դեպ Կոխն որպես մաքուր հայկական ավանդական ու ազգային սպորտաձև կարող է շատ մարզիկների բերել Հայաստան, նաև Իսրայելից:
Համաշխարհային կոմիտեյի տարբեր բաժիններում հյուրընկալվեցինք ու ծանոթացանք աշխատանքների ընթացքի հետ:
Մերձավոր Արևելքի երկրների և Ավստրալիայի աշխատանքները համակարգող մասնագետ Վազգեն Հովհաննիսյանի հետ ամիսներ շարունակ հեռախոսազրույցներ ունենալուց հետո պատիվ ունեցանք հանդիպել: Գրասենյակում լարված աշխատանքային մթնոլորտ էր տիրում: Տեղում առանձնազրույց ունեցանք հատկապես Իսրայելից հաջորդ համահայկական խաղերին առավել մեծաքանակ մարզիկներ բերելու, նոր մարզաձևեր ընդգրկելու և այլ կարևոր թեմաների շուրջ:
Բացառիկ կավորական թիմով աչքի ընկան նաև այս համահայկական խաղերը: Տասնյակ կամավորների հանդիպեցի համահայկական խաղերի համաշխարհային կոմիտեյում:
Համահայկական ամառային 8-րդ խաղերի կազմակերպման, պատշաճ անցկացման գործընթացին ակտիվորեն ներգրավված էին 1200 կամավոր, որից 600 կամավոր՝ Գյումրիում։ Երիտասարդ աղջիկ-տղաները այս օրերին Գյումրիում օգնում էին խաղերի կազմակերպիչներին դասավորել, հարդարել ու կարգի բերել «Շիրակ» մարզադաշտը, որտեղ տեղի ունեցավ Համահայկական ամառային 8-րդ խաղերի բացման պաշտոնական արարողությունը։
«Պատրաստվում ենք շքերթին, դասավորումներ ու աշխատանքի բաժանում է կատարվում, կամավորների մի մասը «Զզվարթնոց» օդանավակայանում դիմավորում է մեր հյուրրերին ու ճանապարհում նրանց իրենց կեցավայր, հաստատում են կապ նրանց հհետտ ու որևէ խնդրի դեպքում օգնում մեր հյուրւրերին», -ասում է Կամավորների խմբի ղեկավար Սևակ Կարապետյանը։
Նրա խոսքով, երիտասարդ կամավորները մեծ նվիրվածությամբ են աջակցում Համահայկական խաղերի անցկացմանը։ Նրանցից մի քանիսը Սփյուռքից են։
«Կամավորները, միայն տեսնեք, ինչ ուրախ են, մոտիվացված, և նրանց միավորել է Համահայկական խաղերի միասնականության գաղափարը», -ասում էր Սևակ Կարապետյանը
