Ապրիլի 24 –ին երեկոյան ժամը 17:00 – ին Պետախ Տիկվայի Շառլ Ազնավուրի անվան զբոսայգում՝ Հայոց Ցեղասպանության նվիրված հուշարձանի մոտ տեղի կունենա հուշ-երեկո նվիրված Հայոց Ցեղասպանության 108 ամյակին:
2020 թվականից ի վեր Հայոց Ցեղասպանության սրբադասված նահատակների հիշատակը վառ պահելուն նվիրված Պետախ Տիկվայում հուշարձանի տեղադրումից հետո այժմ արդեն աշխարհահռչակ հայ շանսոնյե Շառլ Ազնավուրի անվան զբոսայգին դարձել է յուրահատուկ ուխտատեղի հայ հասարակության համար:
Անկախ Երուսաղեմում կամ Թել Ավիվում թուրքական դեսպանատան ու ծառերի հետևում կորած թուրքական հյուպատոսարանի դիմաց ցույցերի անցկացումից, Պետախ Տիկվայում արդեն 3-րդ տարին անընդմեջ անցկացվելու է հուշ-երեկո և մոմավառություն ու խնկարկություն նվիրված անմեղ հայ նահատակների հիշատակին:
Պետախ Տիկվայի Իսրայելահայերի «Նաիրի» միության ու Ռաուլ Վալլենբերգի անվան միջազգային հիմնադրամի համատեղ աշխատանքների շնորհիվ՝ բավականին հետաքրքիր նյութեր են հավաքվել Հայոց Ցեղասպանության և Երկրորդ աշխարհամարտի տարիներին հայերի կողմից հրեաների փրկության սխրանքների մասին պատմող պատմությունների բացահայտման ուղղությամբ:
Սիրելի հայրենակիցներ սիրով հրավիրում ենք բոլորիդ Պետախ Տիկվա՝ խոնարհվելու մեր սրբադասված նահատակների հիշատակը հավերժացնող հուշարձանին:
Լրացուցիչ տեղեկությունների համար դիմել հետևյալ հեռախոսահամարներով՝
050-716-4557 – Տիգրան Մամաջանյան
054-808-27-35 – Արտյոմ Չերնամորյան
052-336-47-74 – Սմբատ Մխիթարյան
Հասցեն՝ Լեա Գոլդբերգ 9, Պետախ Տիկվա
Lea Goldberg 9, Petah Tiqwa
Խնդրում ենք այս հասցեն օգտագործել մեքենաները կայանելու համար: Կայանելուց հետո մանկապարտեզի կողքին գնվող նեղ արահետով պետք է շարժվել դեպի զբոսայգի:
